ആസിഫ് അലി , രാജീവ് രവി ചിത്രം കുറ്റവും ശിക്ഷയും ട്രെയിലര് ഗംഭീരം
Kuttavum Shikshayum Rajeev Ravi’s Asif Ali and Sunny Wayne
ആസിഫ് അലിയെ നായകനാക്കി രാജീവ് രവി സംവിധാനം ചെയ്യുന്ന ചിത്രമാണ് ‘കുറ്റവും ശിക്ഷയും’. സിനിമയുടെ ട്രെയിലര് പുറത്ത്. 123 MUSIX-ലൂടെയാണ് ട്രെയിലർ പുറത്തുവിട്ടിരിക്കുന്നത്. കൂടാതെ സിനിമയുടെ ഒഫീഷ്യല് ഫേസ്ബുക്ക് പേജിലും, ആസിഫ് അലി , ഷറഫുദീന്, സണ്ണി വെയ്ന്, അലെന്സിയര് ലോപ്പസ്, സെന്തില് കൃഷ്ണ തുടങ്ങിയവരുടെ സോഷ്യല് മീഡിയ പേജുകളിലും ട്രെയിലർ പങ്കുവെച്ചിട്ടുണ്ട്.
രാജീവ് രവിയും ആസിഫ് അലിയും ഒന്നിക്കുന്ന ഈ പൊലീസ് ഇന്വെസ്റ്റിഗേഷന് ത്രില്ലറാണ്. ചിത്രത്തിന്റെ ഫസ്റ്റ് ലുക്ക് പോസ്റ്റര് സോഷ്യല് മീഡിയയില് വൈറലായിരുന്നു. ഇത് ആരാധകരുടെ ഇടയിൽ ചർച്ചയാവുകയും ചെയ്തിരുന്നു. കാസര്ഗോഡ് നടന്ന യഥാര്ത്ഥ സംഭവങ്ങളെ അടിസ്ഥാനമാക്കിയാണ് ചിത്രം ഒരുക്കിയിരിക്കുന്നത്. തൊണ്ടിമുതലും ദൃക്സാക്ഷിയും എന്ന ചിത്രത്തിലൂടെ പ്രശസ്തനായ നടനും പൊലീസ് ഉദ്യോഗസ്ഥനുമായ സിബി തോമസാണ് ഈ ചിത്രത്തിന് കഥ ഒരുക്കിയിരിക്കുന്നത്. മാധ്യമപ്രവര്ത്തകനും തിരക്കഥാകൃത്തുമായ ശ്രീജിത്ത് ദിവാകരനും സിബി തോമസും ചേര്ന്നാണ് ചിത്രത്തിന്റെ തിരക്കഥ തയ്യാറാക്കിയിരിക്കുന്നത്.
Asif Ali Kuttavum Shikshayum movie
സിബി തോമസിന്റെ നേതൃത്തിലുള്ള അഞ്ചു പോലീസ് ഉദ്യോഗസ്ഥര് ഒരു ജ്വല്ലറി മോഷണത്തെ തുടര്ന്ന് കേസന്വേഷണത്തിനായി വടക്കേന്ത്യയിലേക്ക് നടത്തിയ യാത്രയാണ് സിനിമയായിരിക്കുന്നത്. ചിത്രത്തില് ആസിഫ് അലിക്ക് പുറമെ സണ്ണിവെയ്ന്, അലന്സിയര്, ഷറഫുദ്ദീന്, സെന്തില് എന്നിവരുംപ്രധാനകഥാപാത്രങ്ങളെ അവതരിപ്പിക്കുന്നുണ്ട് ഫിലിംറോള് പ്രൊഡക്ഷന്സിന്റെ ബാനറില് അരുണ്കുമാര് വി.ആറാണ് ഈ ചിത്രം നിര്മ്മിക്കുന്നത്. വലിയപെരുന്നാള്, തൊട്ടപ്പന്, കിസ്മത്ത് എന്നീ ചിത്രങ്ങളിലൂടെ ശ്രദ്ധേയനായ സുരേഷ് രാജനാണ് ഛായാഗ്രാഹകന്. ബി.അജിത്കുമാര് എഡിറ്റിങ്. സംഗീത സംവിധാനം ഡോണ് വിന്സെന്റ്, കലാസംവിധാനം: സാബു ആദിത്യന്. സൗണ്ട്: രാധാകൃഷ്ണന്. മേക്കപ്പ്: റോണക്സ് സേവ്യര്, വസ്ത്രാലങ്കാരം. സുജിത് മട്ടന്നൂര്, പ്രൊഡക്ഷന് കണ്ട്രോളര്: ബിനു മണമ്പൂര്. പി.ആര്.ഒ ആതിര ദില്ജിത്ത്.
